اسلام آباد: وزیر خارجہ بلاول بھٹو نے کرکٹ میں پاکستان کے ہاتھوں بھارت کی زبرست شکست پر خوشی کا اظہار کرتے ہوئے کہا ہے کہ ’’آج کھیلوں میں بڑی خبر ملی ہے۔‘‘
تفصیلات کے مطابق پاکستان پیپلز پارٹی کے چیئرمین بلاول بھٹو زرداری نے ٹوئٹ میں کہا کہ ’’پاکستان بھارت کو شکست دے کر کرکٹ میں ایمرجنگ ٹیمز ایشیا کپ کی ٹرافی اٹھا رہا ہے، اور دوسری طرف حمزہ خان ورلڈ جونیئر اسکواش چیمپئن بن کر تاریخ رقم کر رہے ہیں۔‘‘
بلاول بھٹو نے لکھا ’’ہم آنے والے مہینوں میں اپنے کھلاڑیوں کے مزید کارناموں کے منتظر ہیں۔‘‘
Great news in sports today! Pakistan lifting the trophy for Emerging Teams Asia Cup in cricket after defeating India. And #HamzaKhan making history by becoming world Junior Squash Champion. Looking forward to more feats from our sportsmen in coming months.
— BilawalBhuttoZardari (@BBhuttoZardari) July 23, 2023
واضح رہے کہ کولمبو میں پاکستان نے بھارت کو 128 رنز سے شکست دے کر مسلسل دوسری بار ایمرجنگ ایشیا کپ کا ٹائٹل جیت لیا ہے، کولمبو میں کھیلے گئے فائنل میچ میں پاکستان کی جانب سے دیے گئے 353 رنز کے تعاقب میں بھارتی ٹیم 40 اوورز میں 224 رنز پر ڈھیر ہو گئی تھی۔
