The news is by your side.

Advertisement

حکمران مشکل میں ہوں تو پاؤں، باہر نکل آئیں تو گلا پکڑتے ہیں،بلاول

کراچی : بلاول بھٹو زرداری نے کہاہے کہ ’’حکمران جب مشکل میں ہوتے ہیں تو پاؤں پکڑتے ہیں اور جب مشکل سے نکل جائیں تو گلا پکڑتے ہیں۔

سماجی رابطے کی ویب سائٹ پر بلاول بھٹو زرداری نے  وفاقی وزیر اطلاعات پرویز رشید اور اپوزیشن لیڈر خورشید شاہ کے درمیان پارلیمنٹ لارجز میں ہونے والی ملاقات پر طنز کرتے ہوئے مسلم لیگ ن کو کڑی تنقید کا نشانہ بنایا۔


قبل ازیں وفاقی وزیر اطلاعات نے اپوزیشن لیڈر سے ملاقات کر کے پاناما لیکس کے حوالے سے ٹی او آرز پر ڈیڈ لاک اور الیکشن کمیشن کے اراکین کی تقرری کے حوالے سے تبادلہ خیال کیا تھا۔

اس موقع پر قائد حزب اختلاف نے میڈیا سے گفتگو کرتے ہوئے کہا کہ الیکشن کمیشن کے لیے غیر جانب دار اراکین کا تقرر کیا جائے، حکومت ہر بات کو سازش کہہ کر نہ ٹالے اگر ٹی او آرز کے معاملے میں مذاکرات ناکام ہوئے تو فیصلہ پارٹی کرے گی۔

خورشید شاہ نے مزید کہا کہ پیپلزپارٹی سڑکوں کی سیاست سے گریز کرنا چاہتی ہے، حکومت کے لیے بہتر ہوگا کہ وہ اپوزیشن کے ٹی او آرز کو تسلیم کرلے، ہم وزیر اعظم کو بچانا چاہتے ہیں مگر اس کے لیے مسلم لیگ ن کو آگے بڑھنا ہوگا۔

Print Friendly, PDF & Email

Comments

comments

یہ بھی پڑھیں