کراچی: وزیر خارجہ بلاول بھٹو نے دوٹوک الفاظ میں کہا ہے کہ بھارت جب تک مقبوضہ کشمیر کی خصوصی حیثیت بحال نہیں کرتا مذاکرات نہیں ہوسکتے۔
تفصیلات کے مطابق شنگھائی تعاون اجلاس میں شرکت کے بعد کراچی میں نیوز کانفرنس کرتے ہوئے وزیر خارجہ بلاول بھٹو نے کہا کہ کانفرنس میں کشمیر سے متعلق پاکستان کا مقدمہ دنیا کے سامنے رکھا اور مقبوضہ وادی میں اقوام متحدہ کی قراردادوں کے خلاف دنیا کو آگاہ کیا۔
وزیر خارجہ نے کہا کہ بھارت نے عمل سے دکھایا کہ نہ وہ عالمی قوانین اور نہ معاہدوں کو اہمیت دیتا ہے، بھارت کب تک یو این قرار دادوں اور عالمی قوانین کو نظرانداز کرے گا۔
یہ بھی پڑھیں: وزیر خارجہ بلاول بھٹو کا شنگھائی تعاون تنظیم کیلئے پاکستان کے مضبوط عزم کا اعادہ
انہوں نے مزید کہا کہ بھارت کی کوشش ہے مسلمانوں کو دہشت گرد قرار دیا جائے، بی جے پی آر ایس ایس کے پروپیگنڈہ کا جواب دیا، مقبوضہ کشمیر کی حیثیت بحال ہونے تک بھارت سے بات نہیں ہوسکتی۔
بلاول بھٹو زرداری نے کہا کہ کشمیر پر بھارت اپنا یکطرفہ فیصلہ واپس نہیں لیتا تو بات نہیں ہوگی، بھارت کی تنقید کے پیچھے ان کا اپنا عدم اعتماد کا احساس ہے۔
نیوز کانفرنس میں بلاول بھٹو کا کہنا تھا کہ پاکستان میں اقلیتی برادری کے لوگ رکن قومی اسمبلی بھی بنتے ہیں، حیرانگی ہوئی بی جے پی کسی مسلمان کو اسمبلی میں نہیں آنے دیتی۔
بھارت میں جاکربھارت کی سرزمین پرپاکستان کامقدمہ لڑا، پلیٹ فارم سےپیچھےہٹیں گےتومخالفین کو موقع دینگےایسانہیں ہوناچاہیے۔
وزیر خارجہ کا کہنا تھا کہ بھارت میں جاکربھارت کی سرزمین پرپاکستان کامقدمہ لڑا، پلیٹ فارم سےپیچھےہٹیں گےتومخالفین کو موقع دینگےایسانہیں ہوناچاہیے۔
انہوں نے کہا کہ ایس سی او فورم کی اہمیت بڑھتی جارہی ہےجو مستقبل میں ایک علاقائی پاورہوگی،پاکستان میں سہ فریقی میٹنگزہورہی ہیں جس میں چین اورافغان وزرائےخارجہ ہونگے
