The news is by your side.

Advertisement

چیئرمین پی پی بلاول بھٹو دبئی روانہ، امریکا کے دورے پر جائیں گے

کراچی: پاکستان پیپلز پارٹی کے چیئرمین بلاول بھٹو زرداری دبئی روانہ ہو گئے ہیں، بلاول بھٹو کل دبئی سے امریکا کے دورے پر روانہ ہوں گے۔

تفصیلات کے مطابق پی پی چیئرمین بلاول بھٹو کل دبئی سے امریکا کے دورے پر روانہ ہوں گے، آج وہ کراچی ایئر پورٹ سے دبئی کے لیے روانہ ہو گئے۔

پی پی چیئرمین 15 سے 21 جولائی تک امریکا کے دورے پر ہوں گے، جہاں وہ امریکی سینیٹرز سمیت اہم شخصیات سے ملاقاتیں کریں گے۔

واضح رہے کہ چیئرمین پی پی بلاول بھٹو نے ملک بھر میں بھی دورے کر کے عوامی جلسوں سے خطاب کیا۔

یہ بھی پڑھیں:  عوام ساتھ دیں ظالم حکمرانوں کا مقابلہ کرنے کیلئے نکلاہوں، بلاول بھٹو زرداری

بلاول بھٹو زرداری نے مہمند، پشاور، اسلام آباد، لوئر دیر اور سکھر کے دورے کیے، جہاں انھوں نے مختلف عوامی جلسوں سے خطاب کیا۔

گزشتہ روز سکھر میں جلسے سے خطاب کرتے ہوئے چیئرمین پیپلز پارٹی نے کہا کہ پیپلز پارٹی نے ہمیشہ عوام کے معاشی حقوق کی جدوجہد کی ہے، عوام ساتھ دیں، میں ظالم حکمرانوں کا مقابلہ کرنے کے لیے نکلا ہوں۔

بلاول بھٹو نے عوامی جلسوں میں حکومتی پالیسیوں اور ملک میں مہنگائی کے طوفان پر تنقید کی، تاہم فنکشنل لیگ کی رکن سندھ اسمبلی نصرت سحرعباسی کا کہنا تھا کہ وہ اپنے والد اور پھپھو کو بچانے نکلے ہوئے ہیں۔

Comments

یہ بھی پڑھیں