راولپنڈی : قومی احتساب بیورو راولپنڈی نے جے وی اوپل کیس میں بلاول بھٹو زرداری کو طلب کرلیا، چیئرمین پیپلزپارٹی کو 13فروری کو طلبی کا سمن جاری کیا گیا ہے۔
تفصیلات کے مطابق نیب راولپنڈی نے چیئرمین پیپلزپارٹی بلاول بھٹو زرداری کو جے وی اوپل کیس میں طلب کرلیا، نیب نے زرداری گروپ آف کمپنی کا2008سے2019تک کا تمام ریکارڈ لانے کی ہدایت کی ہے۔
https://www.facebook.com/arynewsasia/videos/1607788706025513/
اس کے علاوہ کمپنی کے بورڈ آف ڈائریکٹرز کی بھی فہرست بھی مانگی گئی ہے۔ ذرائع کے مطابق چیئرمین پیپلزپارٹی بلاول بھٹو پر اپنی ذاتی کمپنی کے لئے 1.22بلین روپے جعلی اکاونٹ سے نکلوانے کا الزام ہے۔
بلاول بھٹو نے موقف اختیار کیا تھا کہ وہ بچہ تھا مگر آڈٹ رپورٹ میں ان کے دستخط موجود ہیں۔ نیب نے آڈٹ رپورٹ اور بلاول کے دستخط شدہ دستاویزات کی کاپی حاصل کرلی
واضح رہے کہ چئیرمین نیب نے انکوائری کو انویسٹی گیشن میں تبدیل کرنے کی منظوری دی تھی بلاول بھٹو کو چوتھی مرتبہ طلب کیا گیا ہے جبکہ وہ اس کیس میں صرف ایک بار پیش ہوئے ہیں۔
