وزیراعظم شہباز شریف سے پی پی چیئرمین بلاول بھٹو نے لاہور میں ان کی رہائشگاہ پر ملاقات کی ہے جس میں ملکی معاملات پر گفتگو کی گئی۔
اے آر وائی نیوز کے مطابق وزیراعظم شہباز شریف سے پیپلز پارٹی کے چیئرمین بلاول بھٹو زرداری نے لاہور میں ان کی رہائشگاہ پر ملاقات کی۔ اس موقع پر گورنر پنجاب سلیم حیدر بھی ان کے ہمراہ تھے۔ ملاقات میں موجودہ ملکی سیاسی صورتحال پر گفتگو کی گئی اور جمہوریت وپارلیمنٹ کی مضبوطی کے لیے مل کر چلنے پر اتفاق کیا گیا۔
اس ملاقات میں بلاول بھٹو نے 26 ویں آئینی ترمیم کی منظوری کو تاریخی قرار دیا اور کہا کہ غیر جمہوری قوتوں کا راستہ روکنے کے لیے یہ آئینی ترمیم کارگر ثابت ہوگی۔ اس موقع پر انہوں نے
وزیراعظم شہباز شریف نے کہا کہ 26 ویں آئینی ترمیم کی منظوری کا کریڈٹ اتحادی جماعتوں کو جاتا ہے۔ پہلے بھی عوامی خدمت سے پیچھے نہیں ہٹے اور نہ ہی اب پیچھے ہٹیں گے۔
وزیراعظم کا کہنا تھا کہ ملکی معاشی اشاریے مثبت ہونے سے مہنگائی میں واضح کمی نظر آ رہی ہے۔