کراچی: چیئرمین پیپلزپارٹی بلاول بھٹو نے دعویٰ کیا ہے کہ اپوزیشن نے کلبھوشن آرڈیننس پیش کرنے کی کوشش ناکام بنادی۔
تفصیلات کے مطابق چیئرمین پیپلزپارٹی بلاول بھٹو نے سماجی رابطے کی ویب سائٹ ٹویٹر پر اظہار خیال کرتے ہوئے کہا کہ اپوزیشن نے آج قومی اسمبلی میں کلبھوشن آرڈیننس پیش کرنے کی کوشش ناکام بنادی۔
انہوں نے لکھا کہ طالبان دہشت گرد، بھارتی پائلٹ، بی آرٹی، بلین ٹری اور پوسٹ آفس میں کرپشن کی گئی، سب کو پی ٹی آئی نے ایمنسٹی دی۔
بلاول بھٹو نے دعویٰ کیا کہ اب تحریک انصاف کلبھوشن کو ریلیف دینا چاہتی ہے جسے مسترد کرتے ہیں۔
Today opposition thwarted Kulbhushan ordinance from being presented in NA. After giving amnesty to TTP terrorist,IAF pilot, BRT corruPTIon, Billion tree corruption, postoffice corruPTIon, Atta, cheeni & petrol corruption. Now PTI wants relief for Indian spy! my NA speech today: https://t.co/6xnB60Tsca
— BilawalBhuttoZardari (@BBhuttoZardari) July 23, 2020
واضح رہے کہ اس سے قبل بلاول بھٹو کا قومی اسمبلی میں اظہار خیال کرتے ہوئے کہنا تھا کہ عمران خان کہتے تھے این آر او نہیں دوں گا، انہوں نے طالبان احسان اللہ احسان کو این آر او دے دیا۔ کلبھوشن کو این آر او دینے کی کوشش کی جارہی ہے۔
چیئرمین پیپلزپارٹی نے بلاول بھٹو کی پاراچنار میں دہشت گردی کی مذمت کرتے ہوئے کہا کہ دہشت گردی کے بڑھتے واقعات باعث تشویش ہیں، نیب پر عمل نہ کرنے سے دہشت گردوں کی حوصلہ افزائی ہوئی ہے۔
