مشرف نے حالات کا فائدہ اٹھاتے ہوئے والدہ کوقتل کروایا،بلاول بھٹو Bilawal Bhutto
The news is by your side.

Advertisement

مشرف نے والدہ کو قتل کروایا،بلاول بھٹو

کراچی : پیپلز پارٹی کے چیئرمین بلاول بھٹو کا کہنا ہے کہ مشرف نے حالات کا فائدہ اٹھاتے ہوئے والدہ کوقتل کروایا ، پرویزمشرف نے جان بوجھ کرمیری والدہ کی سیکیورٹی کوہٹایا، والدہ کے قتل کے معاملے پر حقائق کو چھپایا جارہا ہے۔

تفصیلات کے مطابق شہید محترمہ بینظیر بھٹو کی 10 وین برسی کے موقع پر برطانوی نشریاتی ادارے کو انٹرویو میں بلاول بھٹوزرداری نے بینظیربھٹوکے قتل کا ذمہ دارپرویز مشرف کوقرار دیدیا اور کہا کہ ذاتی طور پر قتل کا ذمہ دار پرویز مشرف کو سمجھتا ہوں۔

انٹرویو میں بلاول کا کہنا تھا کہ وہ اس لڑکے کو بینظیر کا قاتل نہیں سمجھتے جس نے 27 دسمبر کی شام راولپنڈی میں ان پر حملہ کیا تھا، اس دہشت گرد نے شاید گولی چلائی ہو، لیکن مشرف نے میری والدہ کی سکیورٹی کو جان بوجھ کر ہٹایا تاکہ انھیں منظر سے ہٹایا جا سکے۔

بلاول بھٹو کا کہنا تھا کہ پرویز مشرف نے حالات کا فائدہ اٹھایا اور والدہ کو قتل کروایا۔

چیئرمین پی پی نے کہا کہ پرویز مشرف نے بینظیربھٹوکوبراہ راست دھمکی دیتے ہوئے کہا تھا کہ ان کے تحفظ کی ضمانت مشرف سے تعاون پر منحصر ہے۔

انکا مزید کہنا تھا کہ بینظیرکے قتل کے معاملے پر حقائق کو چھپایا جارہا ہے۔

ذاتی زندگی کے حوالے سے بلاول نے کہا والدہ سے کبھی میرے سیاسی کردار پربات نہیں ہوئی، پاکستانی سیاست میں آنا میرے لئے دورکی بات تھی۔

انٹرویو میں جب بلاول سے پوچھا گیا کہ کیا آپ سابق صدر آصف علی زرداری کو بینظیر کے قتل کا ذمہ دار سمجھتے ہیں تو انکا کہنا تھا کہ یہ ایسا ہے کہ جیسے معصوم کو ظالم تصور کیا جارہا ہو۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں