وزیراعلیٰ سندھ مراد علی شاہ نے کہا ہے کہ بلاول صاحب آپ 4 ماہ میں وزیراعظم بن رہے ہیں، دھرتی پر لیڈر بہت پیدا ہوتے ہیں ویژنری بہت کم ہوتے ہیں۔
اے آر وائی نیوز کے مطابق دھابیجی اسپیشل اکنامک زون کے سنگ بنیاد کی تقریب سے خطاب کرتے ہوئے وزیر اعلیٰ سندھ کا بلاول زرداری کو مخاطب کرتے ہوئے کہنا تھا کہ بلاول صاحب آپ 4 ماہ میں وزیراعظم بننے جا رہے ہیں۔
انھوں نے کہا کہ اس دھرتی پر لیڈر تو بہت پیدا ہوتے ہیں پر ویژنری بہت کم ہوتے ہیں، کراچی سمیت پورے سندھ میں ترقی ہورہی ہے، ترقی کرتے کراچی کے خلاف سازش ہورہی ہے۔
وزیراعلیٰ سندھ نے اپنے خطاب میں کہا کہ بلاول بھٹو میئر کراچی لائے، ترقی سے کوئی نہیں روک سکتا، کراچی ترقی کرے گا کسی آرٹیکل سےفرق نہیں پڑے گا۔
مراد علی شاہ کے مطابق ذالفقار علی بھٹو نے چین کے ساتھ تعلقات بڑھائے تھے، سی پیک کا آئیڈیا آصف زرداری کا تھا۔
سی پیک کامقصد صرف سڑکیں بنانا نہیں تھا، اس منصوبے میں صرف سڑکوں اور پاورسیکٹر میں سرمایہ کاری نہیں تھی بلکہ سی پیک میں انڈسٹریز بھی ہیں جس سے روزگار ملے گا۔
