قومی اسمبلی میں جبری گمشدگی کو جرم قرار دینے اور صحافیوں، میڈیا پروفیشنلز کےتحفظ کا بل2021 منظور کر لیا گیا۔
تفصیلات کے مطابق قومی اسمبلی نے جبری گمشدگی کو جرم قرار دینےکے بل2021کی منظوری دے دی۔ جبری گمشدگی بل میں ایک ترمیم کی بھی منظوری دی گئی ہے۔
وفاقی وزیر برائے انسانی حقوق شیریں مزاری نے بل کی منظوری پر اپوزیشن سے اظہارتشکر کرتے ہوئے کہا ہے کہ بلاول کی سربراہی میں انسانی حقوق کمیٹی نےبل کوسپورٹ کیا یہ بل2سال سےتعطل کا شکار تھا۔
ایوان زیریں نے صحافیوں اورمیڈیا پروفیشنلز کےتحفظ کے بل2021کی منظوری دے دی۔ وزیرمملکت فرخ حبیب نے بل منظور پر ٹوئٹر بیان میں کہا ہے کہ جرنلسٹس اینڈ میڈیا پروفیشنلز تحفظ کا بل 2021 قومی اسمبلی سے متفقہ طور پر پاس ہوگیا ہے اس بل کو بنانے میں فوادچوہدری اور شیریں مزاری نے بھرپور کردار ادا کیا ہے میڈیا نمائندوں کی تجاویز کو شامل کیا گیا۔ قومی اسمبلی کی کمیٹی برائےانسانی حقوق اور اپوزیشن کا تعاون بھی شامل ہے۔
جرنلسٹس اینڈ میڈیا پروفیشنلز تحفظ کا بل 2021 قومی اسمبلی سے متفقہ طور پر پاس ہوگیا ہے۔ اس بل کو بنانے میں @ShireenMazari1 @fawadchaudhry نے بھرپور کردار ادا کیا ہے۔ میڈیا نمائندوں کی تجاویز کو شامل کیا گیا۔
قومی اسمبلی کی کمیٹی برائےانسانی حقوق اور اپوزیشن کا تعاون بھی شامل ہے— Farrukh Habib (@FarrukhHabibISF) November 8, 2021
ایوان نے خواتین کوکام کرنےکی جگہوں پر ہراساں کیےجانےکیخلاف اور قومی کمیشن برائےحقوق اطفال بل 2021 کی منظوری بھی دی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں