ایویئن برڈ فلو برِ اعظم امریکہ، یورپ، ایشیا اور افریقہ میں پھیل گیا، جنگلی پرندوں میں پھیلنے والا وائرس مرغیوں میں بھی منتقل ہونے کا خدشہ ہے۔
تفصیلات کے مطابق برڈ فلو کا ایک اور وائرس چار برِاعظموں میں پھیل گیا، ایوین برڈ فلو برِ اعظم امریکہ، یورپ، ایشیا اور افریقہ میں پھیلا۔
بھارت، تائیوان، نیپال، پیرو، جمہوریہ چیک، رومانیہ، اور نائجرمتاثرہ ممالک میں شامل ہیں۔
جنگلی پرندوں میں پھیلنے والا وائرس مرغیوں میں بھی منتقل ہونے کا خدشہ ہے، جس کے باعث ارجانٹائن اور یوروگوئے سمیت کئی ملکوں کی پولٹری صنعت میں ایمرجنسی کا اعلان کر دیا گیا ہے۔
ارجنٹائن میں جنگلی پرندوں میں وائرس پایا گیا، جبکہ یوراگوئے میں مردہ ہنسوں کا ٹیسٹ مثبت آیا۔
ماہرین نے خبردار کیا کہ کسانوں کو جنگلی پرندوں کے لیے موسم بہار کی ہجرت کے موسم میں روک تھام کی کوششوں پر توجہ دینے کے بجائے، اس بیماری کو سارا سال ایک سنگین خطرہ کے طور پر دیکھنا چاہیے۔
گزشتہ برس امریکہ، برطانیہ،فرانس اور جاپان میں ایویئن فلو کے پھیلنے سے پولٹری صنعت کو شدید نقصان ہوا تھا۔
