امریکا میں برڈ فلو وائرس کی نئی قسم جانوروں میں پھیلنے کا انکشاف ہوا ہے، جس کے باعث متعدد گائیں بیمار ہوگئیں۔
غیر ملکی ذرائع ابلاغ کے مطابق برڈ فلو کی اس نئی قسم سے گائیں ریاست نیواڈا میں بیمار ہوئی ہیں۔ یہ وائرس پرندوں سے گائیوں میں دوسری بار منتقل ہونے کی علامات پائی گئی ہیں۔
امریکی میڈیا کا اس حوالے سے کہنا ہے کہ برڈ فلو وائرس سے ملک بھر میں ہزاروں کی تعداد میں گائیں متاثر ہو چکی ہیں جبکہ ان سے وائرس انسانوں میں منتقل ہونے کے کچھ کیسز بھی رپورٹ ہوئے تھے۔
رپورٹس کے مطابق اس دوران امریکا کی کچھ ریاستوں میں انڈوں کی قلت پیدا ہو گئی تھی اور ان کی قیمت میں بھی اضافہ ہوگیا تھا۔
واضح رہے کہ دنیا بھر میں عام طور پر برڈ فلو کی بیماری پرندوں اور مرغیوں میں پائی جاتی ہے۔
دوسری جانب سعودی عرب میں انفلو ئنزا وائرس سے محفوظ رہنے کے لئے وزارت صحت کی جانب سے انتباہ جاری کیا گیا ہے، جس میں فوری ویکسینیش کا مشورہ د یا گیا ہے۔
رپورٹ کے مطابق رواں سیزن میں انفلو ئنزا وائرس سے 31 مریض جان سے گئے جبکہ جبکہ انتہائی نگہداشت یونٹ میں مریضوں کا علاج کیا جارہا ہے۔
وائرس سے بچاؤ کے لیے ویکسینیشن سے اموات کی شرح میں گزشتہ برس کے مقابلے میں 70 فیصد کمی ریکارڈ ہوئی ہے۔
سعودی وزارت صحت کی رپورٹ کے مطابق مملکت میں 30 لاکھ سے زائد معمر افراد، حاملہ خواتین اوردیگر مہلک امراض میں مبتلا افراد کو احتیاطی تدابیر کے تحت ویکسین لگائی گئی۔ اس مہم کے خاطر خواہ نتائج برآمد ہوئے اور شہری اس موسمی بیماری کے خطرناک اثرات سے محفوظ رہے۔
خطرناک وائرس کا پھیلاؤ، 8 افراد جان سے گئے
سعودی عرب میں وزارت کی جانب سے خبردار کیا گیا ہے کہ انفلو ئنزا کا سیزن ابھی ختم نہیں ہوا ہے، احتیاطی تدابیر کے تحت جن افراد نے ویکسین نہیں لگوائی انہیں چاہئے کہ وہ سرکاری سینٹرز سے ویکسینیشن کرا لیں تاکہ وائرس کے حملے سے محفوظ رہ سکیں۔
واضح رہے کہ موسم سرما میں انفلوئنزا وائرس کا دورانیہ مارچ تک رہتا ہے۔
