The news is by your side.

Advertisement

بھارت: کرونا سے بچاؤ کی ‘انوکھی’ پارٹی دینے والے بی جے پی رہنما گرفتار!

پیشاب پینے والا رضاکار بیمار پڑ گیا، پولیس نے کو گرفتار کر لیا

کلکتہ: بھارتی شہر کلکتہ میں بھارتیہ جنتا پارٹی کے رہنما نے کرونا سے بچاؤ کے لیے گائے کے پیشاب کی پارٹی دے ڈالی، پولیس نے گرفتار کر لیا۔

بھارتی میڈیا کے مطابق کرونا وائرس سے بچاؤ کے لیے گائے کا پیشاب پلوانے پر بی جے پی رہنما کو گرفتار کر لیا گیا، رہنما نے کرونا سے بچاؤ کے لیے گائے کا پیشاب پینے کی تقریب سجا دی تھی۔

پولیس کا کہنا تھا کہ تقریب میں ایک رضا کار نے گائے کا پیشاب پی لیا، جس پر وہ بیمار پڑ گیا، شہری کی شکایت پر بی جے پی کے مقامی رہنما نارائن چیٹر جی کو حراست میں لے لیا گیا۔ رہنما نے دعویٰ کیا تھا کہ گائے کا پیشاب کرونا وائرس سے بچائے گا اور جو پہلے ہی سے وائرس کا شکار ہیں انھیں صحت یاب کر دے گا۔

کرونا کے مریضوں پر اسٹمپ لگائی جائے گی، بھارت کا بڑا اعلان

خیال رہے کہ کرونا وائرس کے علاج کے لیے گائے کے پیشاب کی تقسیم کے عمل کو مغربی بنگال کی حکمران جماعت کے ساتھ ساتھ انڈیا کی اپوزیشن پارٹی کانگریس کی جانب سے بھی شدید تنقید کا نشانہ بنایا جا رہا ہے۔ ادھر بھارت میں کرونا وائرس سے ہونے والی اموات کی تعداد 3 ہو گئی ہے جب کہ 174 لوگ وائرس سے متاثرہ ہیں۔

fb-share-icon0
Tweet 20

Comments

comments

یہ بھی پڑھیں