بی جے پی کے انتہا پسندوں نے دہلی کی جامع مسجد میں زبردستی بھارتی جھنڈا لہرادیا
The news is by your side.

Advertisement

بھارتی انتہاپسندوں نے زبردستی دہلی جامعہ مسجد پر ترنگا لہرادیا

نئی دہلی : بھارت کی حکمران جماعت بی جے پی کی مسلمان مخالف غنڈہ گردی بڑھتی جارہی ہے، انتہا پسند کارکنوں نے دہلی کی جامع مسجد میں زبردستی بھارتی جھنڈا لہرادیا اور مسلمان مخالف نعرے بھی لگائے۔

تفصیلات کے مطابق مودی سرکار میں بی جے پی کے مسلمان دشمن غنڈے بے قابو ہوگئے، بھارت کے یوم آزادی کے دن دہلی کی تاریخی جامع مسجد میں بی جے پی کے غنڈوں نے زبردستی بھارتی جھنڈا لہرا دیا۔

بی جے پی کے کارکنوں نے مسجد میں جھنڈا لہرانے سے روکنے والوں کو تشدد کا نشانہ بھی بنایا اور اشتعال انگیز نعرے بھی لگائے۔

بی جے پی کے مقامی لیڈرکا کہنا تھا کہ ہمیں کہیں بھی جھنڈا لہرانے سے کوئی نہیں روک سکتا۔ انتہا پسند ہندو سوشل میڈیا پرجھنڈا لہرانے کی ویڈیوز شئیر کرکے مسلمانوں کے خلاف اشتعال پھیلاتے رہے۔


مزید پڑھیں : بھارت کو یومِ آزادی پر ہزیمت کا سامنا۔۔ ویڈیو دیکھیں


ایک جانب ایسی زبردستی ہے تو دوسری جانب یہ حال ہے کہ بھارت کے یوم آزادی کی مناسبت سے پرچم کشائی کی تقریب میں حکمراں جماعت بھارتیہ جنتا پارٹی اپنا قومی جھنڈا ہی نہیں سنبھال سکی۔ بی جے پی کے صدر امیت شاہ نے جھنڈا لہرانے کی کوشش کی تو ترنگا فضاء میں جانے کے بجائے زمین پر آگرا تھا۔

Comments

comments

یہ بھی پڑھیں