The news is by your side.

Advertisement

پاکستان کے خلاف زہر افشانی کرنے والے بی جے پی رہنما آپس ہی میں لڑ پڑے

یوپی: پاکستان کے خلاف زہر افشانی کرنے والے بی جے پی رہنما آپس ہی میں لڑ پڑے، ویڈیو  وائرل ہوگئی۔

تفصیلات کے مطابق پاکستانی قوم کو تقسیم کرنے کے لیے ساز شیں‌ کرنے والی انتہا پسند بھارتی جماعت بی جے پی کے سینئر رہنما اجلاس میں‌ گتھم گتھا ہوگئے.

صورت حال اتنی بگڑ گئی کہ رہنماؤں نے ایک دوسرے کے گریبان پکڑ لیے اور ایک دوسرے پر جوتے برساتے رہے.

جھگڑے کا آغاز اس وقت ہوا، جب بی جے پی کے رکن قومی اسمبلی شرد ترپاٹی نے پارٹی کے مقامی رہنما راکیش بگھل کو جوتا دے مارا.

موصولہ اطلاعات کے مطابق رکن قومی اسمبلی اس بات پر آگ بگولا ہوگئے تھے کہ افتتاحی پلیٹ سے ان کا نام حذف کر دیا گیا ہے۔

جلد ہی واقعے کی ویڈیو وائرل ہوگئی اور سوشل میڈیا پر ٹریند بن گئی. ویڈیو کے باعث بی جے پی یوپی کی خاصی سبکی ہوئی، جماعت نے تحقیقات کا حکم دیا ہے.

مزید پڑھیں: عالمی میڈیا نے بھارتی میڈیا کو جھوٹ بولنے میں نمبرون قرار دے دیاا.

خیال رہے کہ پلوامہ حملے کے بعد سے بھارتی حکومت اور میڈیا پاکستان کے خلاف نفرت انگیز پروپیگنڈا کر رہا ہے، اس کے برعکس پاکستانی میڈیا نے معتدل رویہ اختیار کیا، جس کی تعریف ڈی جی آئی ایس پی آر نے بھی کی.

Comments

comments

یہ بھی پڑھیں