پشاور : ضلع خیبر میں گزشتہ روز ہونے والے دو خودکش حملوں کا مقدمہ دہشت گردی دفعات کے تحت درج کرلیا گیا، مقدمہ تھانہ باڑہ کے ایس ایچ او کی مدعیت میں سی ٹی ڈی نے درج کیا۔
تفصیلات کے مطابق ایف آئی آر کے متن میں لکھا گیا ہے کہ دہشت گرد تحصیل کمپاؤنڈ کے مین گیٹ سے داخل ہوکر روزنامچہ دفتر گئے، جہاں خودکش حملہ آوروں نے اہلکاروں پر دستی بم پھینکا اورفائرنگ کی۔
ایف آئی ار کے مطابق دہشت گردوں کی فائرنگ سے ایک اہلکارشہید اور ایک زخمی ہوا بعد ازاں
پولیس کی جوابی فائرنگ سے دہشت گردوں نے خود کو دھماکے سے اڑا لیا۔
واقعے کے بعد حملہ آور دہشت گردوں کے جسمانی اعضاء کو خیبر ٹیچنگ اسپتال منتقل کیا گیا، جائے وقوعہ سے کلاشنکوف، میگزین اور گاڑی برآمد ہوئی جسے پولیس نے قبضے میں لے لیا ہے۔
باڑہ بازار پولیس اسٹیشن میں دہشت گردوں کا حملہ، 3پولیس اہلکار شہید
مقدمے کے متن میں مزید لکھا گیا ہے کہ گزشتہ روز باڑہ کی تحصیل کمپاؤنڈ میں2خودکش دھماکے ہوئے تھے
خودکش دھماکوں میں 3پولیس اہلکارشہید اور 8افراد زخمی ہوئے۔
