The news is by your side.

Advertisement

نابینا شخص انوکھی شکایت لیکر ڈی پی او کے پاس پہنچ گیا

خانیوال: پنجاب کے شہر خانیوال میں ایک نابینا شخص ڈی پی او کے پاس انوکھی شکایت لے کر پہنچ گیا۔

اے آر وائی نیوز کی رپورٹ کے مطابق خانیوال میں ڈسٹرکٹ پولیس آفیسر علی وسیم کھلی کچہری میں شہریوں کی شکایات سن کر ان کا بروقت ازالہ ممکن بنا رہے تھے کہ اسی دوران محمد حسین نامی نابینا شخص ان کے پاس پہنچ گیا اور اپنی انوکھی خواہش بیان کردی۔

محمد حسین نے ڈی پی او علی وسیم سے گرم موسم کی شکایت کرتے ہوئے کہا کہ ان کے گھر میں پنکھا نہیں ہے اور گرمی ان سے برداشت ہوتی نہیں ہے۔

ذرائع کا کہنا ہے کہ ڈی پی او نے ان کی شکایت پر فوری ازالہ کرتے ہوئے نابینا شخص کو نیا پنکھنا منگوا کر دے دیا۔

ڈی پی او محمد حسین کا کہنا تھا کہ ہماری پوری کوشش ہوتی ہے کہ کھلی کچہری میں موجود شہریوں کے مسائل کا بروقت ازالہ کیا جائے، ان کا کہنا تھا کہ نابینا شخص کو پنکھا دلا کر کوئی بڑا کام نہیں کیا یہ ہمارا فرض ہے۔

دوسری جانب نابینا شخص بھی پنکھا پا کر خوش ہوگیا اور ڈی پی او کا شکریہ ادا کیا۔

Comments

یہ بھی پڑھیں