کراچی: بلٹز ایڈورٹائزنگ اور پاکستان کرکٹ بورڈ کے درمیان جاری تنازع پر برطانوی ثالثی عدالت نے فیصلہ سنادیا ہے۔
پی سی بی کی جانب سے جاری اعلامیہ کے مطابق پی ایس ایل رائٹس کی فیس ادائیگی پربلٹز کیساتھ تنازع تھا، عالمی ثالثی عدالت نے بلٹز ایڈورٹائزنگ کمپنی کے مطالبات مسترد کرتے ہوئے پاکستان کرکٹ بورڈ کے حق میں فیصلہ سنادیا ہے۔
اعلامیہ پی سی بی کے مطابق ثالثی عدالت نے حکم دیا ہے کہ بلٹز ایڈورٹائزنگ فوری طورپر پی سی بی کومیڈیا رائٹس فیس اداکرے اس کے علاوہ بلٹز ایڈورٹائزنگ کیس کی فیس ،اخراجات بھی پی سی بی کو ادا کرنے کا پابند ہوگا۔
ثالثی عدالت نے قرار دیا کہ تمام حقوق پاکستان اور عالمی ثالثی عدالت کے قوانین کےمطابق ہیں۔
یہ بھی پڑھیں: پی ایس ایل رائٹس کی جھوٹی خبروں پر حکم امتناع برقرار
ثالثی عدالت نے قرار دیا کہ تمام حقوق پاکستان اور عالمی ثالثی عدالت کے قوانین کےمطابق ہیں، ثالثی عدالت کے فیصلے پر سی ای او پی سی بی سلمان نصیر نے اپنے ردعمل کا اظہار کرتے ہوئے کہا کہ عدالتی فیصلے سے واضح ہوا کہ کرکٹ بورڈ کا معاہدہ بہترین تھا۔
پی سی بی اعلامیہ میں مزید کہا گیا کہ پی ایس ایل کی مقبولیت میں اضافےکیلئےہر ممکن کوشش کرتےرہیں گے۔
واضح رہے کہ سندھ ہائی کورٹ بھی جنگ اور جیو کی جانب سے پی ایس ایل رائٹس پر حکم امتناع واپس لینے کی درخواست کو مسترد کرچکی ہے۔
