واشنگٹن: امریکا بھر میں برفانی طوفان اور بم سائیکلون نے تباہی مچا دی ہے، جس سے اب تک 70 سے زائد افراد ہلاک ہو چکے ہیں، تاہم دوسری طرف برفانی طوفان کی شدت میں کمی بھی آنے لگی ہے۔
امریکی میڈیا کے مطابق طاقت ور طوفانی سسٹم نے گزشتہ ہفتے پورے امریکا کو اپنی لپیٹ میں لے لیا تھا، جس نے مغرب، میدانی علاقوں اور مڈویسٹ میں خطرناک حالات پیدا کیے، اس کے بعد برفانی طوفان تیزی سے ایک بم سائیکلون میں تبدیل ہو گیا، اور اس نے کینیڈا اور امریکا کی پانچ بڑی جھیلوں والے پورے علاقے کو شدید نقصان دہ یخ بستہ ہواؤں کے ساتھ گھیر لیا۔
طوفان کے مرکزی دباؤ میں 24 گھنٹوں میں 30 ملی بار کی کمی واقع ہوئی، جو باضابطہ طور پر بمبوجنیسز (شدید برفانی طوفان) کے معیار سے آگے نکل گئی، جو 24 گھنٹوں میں 24 ملی بار کی کمی ہے۔
Video showing a row of houses along Lake Erie completely covered in ice following the winter storm that swept through much of Ontario last week pic.twitter.com/25PXRF7DKw
— Nick Iwanyshyn (@NickIwanyshyn) December 27, 2022
امریکی میڈیا کے مطابق ریاست نیویارک کی اری اور نیاگرا کاؤنٹیز میں برفانی طوفان نے مزید جانیں لی ہیں، اری کاؤنٹی کے ایگزیکٹو مارک پولون کارز نے بدھ کے روز بتایا کہ یہاں مزید 37 اموات رپورٹ ہوئی ہیں، جس میں بفیلو شہر بھی شامل ہے، بفیلو شہر میں ٹریفک کنٹرول کرنے کے لیے نیویارک اسٹیٹ پولیس کی اضافی نفری طلب کی گئی ہے۔
امریکا کے سوا لاکھ گھر تاحال بجلی سے محروم ہیں، سرد موسم کی وجہ سے امریکا اور کینیڈا کی سرحد پر موجود نیاگرا آبشار کا بڑا حصہ جم چکا ہے۔