فاسٹ بولر محمد حسنین کا کہنا ہے کہ جب بالی وڈ کنگ شاہ رخ خان سے ملاقات ہوئی تو انہوں پاکستان آنے کی خواہش کا اظہار کیا تھا۔
ایک ڈیجیٹل انٹرویو میں محمد حسنین نے تین سال پرانا قصہ سناتے ہوئے بتایا کہ سال دو ہزار بیس میں کیریبیئن پریمیئر لیگ (سی پی ایل) میں شاہ رخ خان کی ٹیم سے طرف سے کھیل رہا تھا۔
اس وقت ہمیں بتایا گیا کہ ہمارے میچز کیلئے شاہ رح خان آئیں گے تو میں بھی دیگر کھلاڑیوں کی طرح ان سے ملاقات کیلئے پرجوش تھا اور پھر جب ہم تیسرا میچ کھیلنے گئے تو شاہ رخ اس میچ کو دیکھنے کے لئے موجود تھے۔
محمد حسنین نے بتایا کہ وہ میچ ہم جیتے تو فتح کے بعد شاہ رخ خان ڈریسنگ روم میں ہم سے ملاقات کیلئے آئے تو میں انہیں دیکھ کر حیران رہ گیا کہ انہیں آج تک فلموں میں اور ٹی وی پر دیکھا تھا پھر ان سے ملاقات ہوئی۔
اس ملاقات کے بعد شاہ رخ خان نے تین سے چار دن ہماری ٹیم کے ساتھ ہی گزارے، اس دوران ان سے کئی بار بات ہوئی، پاکستان اور بھارت پر بھی بات ہوتی تھی۔
محمد حسنین کا کہنا تھا کہ شاہ رخ نے ہی بتایا کہ وہ بھی پاکستان سے ہیں، پہلے پشاور میں رہتے تھے، اس دوران انہوں نے پاکستانیوں کی خاصی حوصلہ افزائی بھی کی اور بتایا کہ وہ پاکستان آنا چاہتے ہیں۔
