مودی کی مسلم دشمن پالیسیوں نے بالی ووڈ کو بھی لپیٹ میں لے لیا ہے، یکے بعد دیگرے مسلمانوں اور اسلامی عقائد کے خلاف نفرت پر مبنی فلمیں بھی بنے لگی ہیں۔
میڈیا رپورٹس کے مطابق سنجے پورن سنگھ نے مسلمانوں کے خلاف ’72 حوریں‘ نامی فلم بنا ڈالی ہے، اس متنازع فلم کی ریلیز پر مسلم تنظیموں کی طرف سے شدید رد عمل سامنے آیا ہے۔
تنظیموں کی جانب سے اس فلم کی ریلیز کو افسوس ناک، نفرت پر مبنی اور مسلمانوں کے مذہبی عقائد کی توہین قرار دے دیا گیا ہے، رواں سال ہی ’دی کیرالا اسٹوری‘ کے نام سے بھی ایک فلم ریلیز کی گئی تھی، جس میں مسلم خواتین کے نقاب کو نشانہ بنایا گیا تھا۔
رپورٹس کے مطابق مودی کے 2014 میں اقتدار میں آنے کے بعد سے ہندوستان میں مسلم مخالف جذبات میں بہ تدریج اضافہ ہوا ہے، گزشتہ پانچ سالوں کے دوران بالی ووڈ نے 17 سے زائد مسلم مخالف فلمیں ریلیز کی ہیں۔
