سعودی عرب میں نمائشی میچ سے قبل بالی ووڈ شہنشاہ امیتابھ بچن نے دنیائے فٹبال کے دو بادشاہوں میسی اور رونالڈو سے ملاقات اور مصافحہ کیا۔
سعودی عرب کے دارالحکومت ریاض میں گزشتہ شب فرانسیسی کلب پی ایس جی اور رونالڈو کی سعودی آل اسٹار الیون کے درمیان نمائشی میچ کھیلا گیا۔ میچ سے قابل بھارتی فلم انڈسٹری بالی ووڈ کے شہنشاہ کہلائے جانے والے عالمی شہرت یافتہ اداکار امیتابھ بچن نے دونوں ٹیموں کے کھلاڑیوں سے ملاقات کی۔
امیتابھ بچن نے اسٹار فٹبالر سے ملاقات کی یہ ویڈیو سماجی رابطوں کی ویب سائٹ ٹوئٹر پر اپنے اکاؤنٹ سے شیئر کی جو دیکھتے ہی دیکھتے وائرل ہوگئی۔
وائرل ویڈیو میں دیکھا جا سکتا ہے کہ بالی ووڈ میگا اسٹار امیتابھ بچن سعودی عرب کے درالحکومت ریاض کے کنگ فہد اسٹیڈیم میں شہنشاہوں کی طرح داخل ہو رہے ہیں۔ ایونٹ کے منتظم امیتابھ کا ہاتھ تھام کر انہیں احترام کے ساتھ گراؤنڈ میں لاتے ہیں جہاں وہ پی ایس جی اور سعودی آل اسٹار الیون کے تمام کھلاڑیوں سے ملاقات اور مصافحہ کرتے ہیں۔
تاہم بالی ووڈ شہنشاہ جب لیونل میسی اور کرسٹیانو رونالڈو کے پاس پہنچتے ہیں تو ان سے انتہائی گرمجوشی سے ہاتھ ملاتے ہیں اور کچھ دیر رک ان کا احوال دریافت کرنے کے ساتھ ان کے کھیل کی بھی تعریف کرتے ہیں۔
امیتابھ بچن نے اس ویڈیو کو شیئر کرتے ہوئے کیپشن میں لکھا ہے کہ ’’ ریاض میں ایک شام اور یہ کیا شام ہے۔ کرسٹیانو رونالڈو، لیونل میسی، ایمباپے، نیمار سب ایک ساتھ کھیل رہے ہیں۔‘‘
’’ناقابل یقین‘‘
T 4533 – "An evening in Riyadh .. " what an evening ..
Cristiano Ronaldo, Lionel Messi, Mbape, Neymar all playing together .. and yours truly invited guest to inaugurate the game .. PSG vs Riyadh Seasons ..
Incredible !!!#football #Ronaldo #Messi #AlNassr #SaudiArabia pic.twitter.com/fXlaw9meeV— Amitabh Bachchan (@SrBachchan) January 20, 2023
