کراچی : جناح اسپتال میں بم کی اطلاع ملی ، جس کے بعد پولیس حکام کی دوڑ لگ گئیں تاہم بم ڈسپوزل یونٹ نے جناح اسپتال کو کلیئر قرار دے دیا۔
تفصیلات کے مطابق کراچی کے جناح اسپتال کی ایمرجنسی میں نامعلوم شخص نے بم ہونے کی اطلاع دی اور فون کرنے والے شخص نے اپنا نمبر بند کر دیا۔
جس کے بعد بم ڈسپوزل اسکواڈ کو طلب کیا گیا ، بم ڈسپوزل یونٹ نے ایمرجنسی کی سرچنگ کی ، ایمرجنسی کے باہر پارک غیر ضروری گاڑیوں اور افراد کو ہٹا دیا گیا۔
جس کے بعد بم ڈسپوزل یونٹ نے جناح اسپتال کوکلیئر قرار دے دیا اور کلیئرنس رپورٹ بھی جاری کردی۔
رپورٹ میں بتایا گیا کہ بم کی اطلاع پر جناح اسپتال ایمرجنسی کی سرچنگ کی گئی، نیشنل انسٹیٹیوٹ آف چائلڈہیلتھ کےاطراف بھی سرچنگ کی گئی۔
پولیس نے کہا کہ بم کی اطلاع نامعلوم شخص کی جانب سے15پردی گئی تھی، جھوٹی اطلاع دینےوالےشخص کےخلاف کارروائی کی جائے گی۔
