site
stats
پاکستان

برطانوی وزیرخارجہ بورس جانسن سیلفیوں کے شوقین نکلے

اسلام آباد : برطانوی وزیرخارجہ بورس جانسن بھی سیلفیوں کے شوقین نکلے، پاکستان تھریک انصاف کے چیئرمین عمران خان اور پیپلز پارٹی کے چیئرمین بلاول بھٹو سے ملاقات میں سیلفیاں بنائیں۔

تفصیلات کے مطابق برطانوی وزیر خارجہ بورس جانسن سرکاری ملاقاتوں کے بعد پیپلز پارٹی کے چیئرمین بلاول بھٹو زرداری سے ملے اور بلاول کے ساتھ سیلفی بنائی۔

بلاول بھٹو زرداری نے سیلفی کے ساتھ ٹوئٹر پیغام میں لکھا کہ بورس جانسن طلسماتی شخصیت کے مالک ہیں، ان سے باہمی امور پر بات چیت اچھی رہی، ملاقات میں شیری رحمان سمیت دیگر رہنما بھی موجود تھے۔

اس سے قبل برطانوی وزیرخارجہ پاکستان تحریک انصاف کے چیئرمین عمران خان سے ملے تو ان کے ساتھ بھی سیلفی کا موقع نہ گنوایا۔

جہانگیر ترین نے ٹوئٹ کیا کہ بورس جانسن بھی عمران خان کے فین نکلے، کپتان سے ملاقات میں دو طرفہ تعلقات سمیت پانامہ اور ایل او سی پر بھارتی جارحیت کا معاملہ بھی زیرِ غور رہا۔

یاد رہے گزشتہ روز برطانوی وزیرخارجہ بورس جانسن دو روزہ دورے پراسلام آباد پہنچ تھے جہاں وزارت خارجہ کے حکام نے بورس جانسن کا ایئر پورٹ پر استقبال کیا۔


مزید پڑھیں : ایل او سی کے واقعات پر تشویش ہے، برطانوی وزیر خارجہ


اسلام آباد میں مشیر خارجہ سرتاج عزیز کے ساتھ مشترکہ پریس کانفرنس میں برطانوی وزیر خارجہ بورس جانسن کا کہنا تھا کہ مسئلہ کشمیر کے حل کے لیے دونوں ممالک مذاکرات کریں۔ کشمیرکا مسئلہ کشمیری عوام کی خواہش کے مطابق حل ہونا چاہیئے۔

برطانوی وزیر خارجہ نے کہا کہ کشمیر میں تشدد کے خاتمے کا مطالبہ کرتے ہیں، تمام فریقین تحمل سے کام لیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top