ماہرین نے وقت وقت کیساتھ ساتھ روایتی براڈکاسٹ ٹیلی ویژن کے خاتمے کا اعلان کردیا۔
ٹیلی ویژن سروس ہوئی تو اخبارات کا زور کم ہوا اور اخبار پڑھنے کا سلسلہ تقریباً نا ہونے کے برابر ہے، اسی طرح انٹرنیٹ کا آغاز ہوا تو لوگوں نے روایتی براڈکاسٹ ٹیلی ویژن سے وابستگی کم کی اور انٹرنیٹ کی جانب توجہ مبذول کرلی۔
اب ماہرین نے انتباہ جاری کیا ہے کہ ناظرین کیساتھ ساتھ روایتی براڈکاسٹ ٹیلی ویژن بھی ختم ہوجائے گا۔
ماہرین کی جانب سے اس اہم تبدیلی کی وجہ نوجوانوں کے میٹاورس جیسی انٹرٹینمنٹ کی جانب بڑھتی ہوئی دلچسپی کو گردانا ہے۔
بڑی عمر کے افراد کا براڈ کاسٹ ٹیلی ویژن سے زیادہ گہرا تعلق ہوتا ہے جب کہ درمیانی عمر کے لوگ ٹی وی کو نیٹ فلکس اور ڈِزنی پلس کی وجہ سے چھوڑ رہے ہیں۔
اگر ٹی وی کو میٹاورس اور گیمنگ پلیٹ فارم جیسے کہ روبلاکس، فورٹ نائٹ اور مائن کرافٹ سے مقابلہ کرنا ہے، تو براڈکاسٹرز کو بدلنا ہوگا۔
میڈیا ریسرچ کمپنی ڈیوبِٹ کے مطابق امریکا میں 9 سے 12 سال کے نصف تعداد میں بچے کم از کم ایک بار روبلاکس استعمال کرتے ہیں، جہاں وہ سب کچھ کر سکتے ہیں۔
