لندن : پاکستانی نژاد برطانوی باکسر عامر خان اور ان کی بیوی فریال کے درمیان اختلافات ختم کرنے کی کوششیں جاری ہے، باکسر عامر خان شادی بچانے کیلئے روحانی پیشوا سے رابطہ کرلیا۔
تفصیلات کے مطابق باکسر عامر خان اور ماڈل فریال کی بگڑے حالت سدھارنے کیلئے کوششیں جاری ہے، عامر خان نے شادی بچانے کیلئے روحانی پیشوا سے رابطہ کرلیا۔
برطانوی خبار کے مطابق عامر خان نے اپنے گھر پر پیر شامی ثاقب سے ملاقات کی، شامی ثاقب عامر کے پرانے دوست ہیں، ان کا کہنا ہے رشتہ خراب کرنے میں دونوں کا ہاتھ ہے ۔
ذرائع کے مطابق فریال بھی عامر کیساتھ دوبارہ گھر بسانے کی کوشش کررہی ہیں اور پیر صاحب سے رابطے میں ہیں ۔
فریال نے ٹویٹ کیا کہ شامی ثاقب پر مجھے بھی اتنا بھروسہ ہے جتنا عامر کو ہے۔
دوسری جانب دونوں نے اب تک شادی کی انگوٹھی نہیں اتاری، فریال نے انسٹاگرام پر تصویر پوسٹ کی، جسمیں انکے ہاتھ میں ویڈنگ رنگ دیکھی جاسکتی ہے ، فریال نے سوشل میڈیا پر نا صرف تصویر پوسٹ کی بلکہ دل ٹوٹے جانے کا بھی اظہار کیا۔
عامر خان بھی شادی کی انگوٹھی اتارنا نہیں چاہتے، باکسردبئی سے مانچسٹر پہنچے تو کیمرے سے بچ نہ پائے اور انکے ہاتھ میں بھی شادی کی انگو ٹھی دیکھی گئی۔
مزید پڑھیں : پاکستانی نژاد برطانوی باکسر عامر خان اور بیوی کی راہیں جدا
واضح رہے چند روز قبل سماجی رابطے کی ویب سائٹ ٹوئٹر پر باکسر عامر خان نے کہا تھا کہ ’’فریال اور میں نے علیحدہ زندگی گزارنے کا فیصلہ کرلیا ہے، میں دبئی میں ہوں اور فریال کے لیے نیک خواہشات کا اظہار کرتا ہوں۔
So me and the wife Faryal have agreed to split. I’m currently in Dubai. Wish her all the best.
— Amir Khan (@amirkingkhan) August 4, 2017
