The news is by your side.

Advertisement

خوفناک حادثے میں لڑکا معجزانہ طور پر بچ گیا

سوشل میڈیا پر آئے روز نت نئی ویڈیوز وائرل ہوتی رہتی ہیں جسے دیکھ کر لوگ دنگ رہ جاتے ہیں۔

ایسی ہی ایک ویڈیو بھارتی ریاست کیرالہ سے سامنے آئی ہے جہاں سائیکل سوار لڑکا بس کی زد میں آنے سے معجزانہ طور پر بچ گیا اور اس کی سائیکل تباہ ہوگئی۔

یہ واقعہ گزشتہ دنوں کیرالہ کے کننور میں تالیپرمبا کے قریب پیش آیا جس کی ویڈیو سی سی ٹی وی کیمرے میں محفوظ ہوگئی۔

ویڈیو میں دیکھا جاسکتا ہے کہ سائیکل پر سوار لڑکے نے تیزی سے سڑک عبور کرنے کی کوشش کی جیسے وہی سڑک پر آیا تو پہلے موٹر سائیکل سے ٹکراتے ہوئے سڑک کی دوسری طرف اڑتے ہوئے جا گرا۔

اتنی دیر میں بس بھی آئی اور نوجوان کی سائیکل کو کچل ڈالا لیکن نوجوان بس کی زد میں آنے سے معجزانہ طور پر محفوظ رہا۔

ویڈیو میں لڑکے کو اٹھتے ہوئے دیکھا جاسکتا ہے کہ اور کسی قسم کی کوئی چوٹ نہیں آئی۔

سوشل میڈیا پر واقعے کی ویڈیو تیزی سے وائرل ہورہی ہے اور صارفین کی جانب سے لڑکے کو ہی قصور وار ٹھہرایا جارہا ہے، ایک صارف نے لکھا کہ ’لڑکے کی غلطی ہے وہ رانگ سائیڈ سے اچانک سڑک پر آگیا۔

ایک دوسرے صارف نے لکھا کہ موٹر سائیکل سے ٹکرانے پر اس کی جان بچ گئی ورنہ وہ بس کی زد میں آسکتا تھا۔

Comments

یہ بھی پڑھیں