ڈھاکا: بنگلہ دیش پریمیئر لیگ میں قومی ٹیم کے جارح مزاج وکٹ کیپر بیٹر اعظم خان نے تیز ترین سنچری جڑ دی۔
بی پی ایل میں کھلنا ٹائیگر کی نمائندگی کرنے والے وکٹ کیپر بیٹر اعظم خان نے 58 گیندوں پر 109 رنز کی ناٹ آؤٹ اننگ کھیلی، ان کی شاندار اننگ کی بدولت کھلنا نے چٹاگانگ چیلنجرز کو جیت کے لیے 179 رنز کا ہدف دیا تھا عثمان خان کی ناقابل شکست سنچری کی بدولت چیلنجرز نے میچ 9 وکٹوںسے جیت لیا۔
اعظم خان کی اننگ میں 8 بلند و بالا چھکے اور 9 چوکے شامل تھے۔
اوپنر تمیم اقبال نے 40 رنز بنائے جبکہ شرجیل خان 5 رنز بنا کر پویلین لوٹ گئے، وہاب ریاض 2 رنز کے ساتھ ناٹ آؤٹ رہے۔
When you bring up your maiden T20 💯 with a six 💪
Take a bow, Azam Khan 👏 #BPL2023 pic.twitter.com/bBeYBGfoHr
— ESPNcricinfo (@ESPNcricinfo) January 9, 2023
چٹاگانگ چیلنجرز کی جانب سے ابوجاوید نے دو وکٹیں حاصل کیں جبکہ شوواگاتا ہوم اور ضیا الرحمان ایک، ایک وکٹ حاصل کرسکے۔
Abba well played shahbash keep it up @MAzamKhan45 ❤️ pic.twitter.com/0ZLWQ1Khdk
— Sarfaraz Ahmed (@SarfarazA_54) January 9, 2023
قومی ٹیم کے سابق کپتان سرفراز احمد نے اعظم خان کی تصویر شیئر کرتے ہوئے انہیں مبارک باد دی اور لکھا کہ ’ابا بہت اچھا کھیلے، شاباش اسے جاری رکھیں۔‘
