سڈنی: آسٹریلیا کے سابق اسپینر اور کمنٹیٹر بریڈ ہوگ نے آل ٹائم الیون ٹیم کا اعلان کردیا جس میں پاکستان کے دو لیجنڈ کھلاڑی بھی شامل ہیں۔
سماجی رابطے کی ویب سائٹ ٹویٹر پر بریڈ ہوگ سے اُن کے مداح نے آل ٹائم ٹیسٹ الیون ٹیم کے کھلاڑیوں کے نام پوچھے۔ آل ٹائم الیون مطلب جب بھی موقع ملے تو ان ہی کھلاڑیوں کو بریڈ ہوگ ٹیم میں شامل کریں گے یا پھر اگر اختیار ہوتا تو اپنے ساتھ کرکٹ کھلواتے۔
بریڈ ہوگ نے 92 ورلڈکپ کے فاتح دو پاکستانی لیجنڈ کھلاڑیوں جاوید میاں داد اور کپتان عمران خان کے نام بھی اپنے ٹیم میں شامل کیے۔
سابق آسٹریلوی کرکٹ کی آل ٹائم الیون میں ویسٹ انڈیز کے 4، پاکستان، بھارت اور انگلینڈ کے 2، 2 جبکہ آسٹریلیا کا ایک کھلاڑی شامل ہے۔
بریڈ ہوگ نے بتایا کہ اُن کی ٹیم میں جاوید میانداد، سنیل گواسکر، سر ویوین رچرڈز، برائن لارا، سچن ٹنڈولکر، ڈیوڈ گوور، جیک رسل، عمران خان، جوئل گارنر، مالکوم مارشل اور شین وارن شامل ہیں۔
Javed Miandad.
Sunil Gavaskar
Viv Richards
Brian Lara
Sachin Tendulkar
David Gower
Jake Russsell
Imran Khan
Joel Garner
Malcom Marshell
Shane WarneIf I could go back in time, these were my favourites to watch. Greenidge and Haynes 2 others https://t.co/yD65yLYP29
— Brad Hogg (@Brad_Hogg) April 3, 2020
یاد رہے کہ بریڈ ہوگ نے آسٹریلیا کی نمائندگی کرتے ہوئے 7 ٹیسٹ، 124 ون ڈے اور 15 ٹی ٹوینٹی میچز کھیلے۔ انہوں نے ٹیسٹ میں 17، ون ڈے میں 157 اور ٹی ٹوینٹی میں 7 وکٹیں حاصل کیں جبکہ بطور بلے باز ٹیسٹ میں 186، ون ڈے 812 اور ٹی ٹوینٹی میں 54 رنز اسکور کیے۔
