The news is by your side.

Advertisement

بہادر خاتون نے مسلح ڈاکوؤں کو بھاگنے پر مجبور کردیا۔۔ ویڈیو وائرل

اترپردیش: بھارت کی نڈر خاتون نے مسلح ڈاکوؤں کے سامنے ڈٹ کر انہیں بھاگنے پر مجبور کردیا، واقعے کی ویڈیو سوشل میڈیا پر وائرل ہوگئی۔

تفصیلات کے مطابق بھارتی ریاست اترپردیش کے علاقے لکھنؤ سے تعلق رکھنے والی خاتون 29 مئی کو اپنی رہائش گاہ کے باہر موجود تھیں کہ اسی دوران موٹرسائیکل پر سوار دو افراد وہاں پہنچے۔

سامنے آنے والی سی سی ٹی وی فوٹیج میں دیکھا جاسکتا ہے کہ ایک ڈاکو بھاگنے کے لیے موٹرسائیکل اسٹارٹ کر کے کھڑا رہا تو دوسرا ہاتھ میں پستول لیے خاتون کے پاس آیا اور اُس نے کچھ چھیننے کی کوشش کی۔

مزید پڑھیں:  بہادر خاتون نے لٹیرے کو موت کے گھاٹ اتار دیا

خاتون ڈاکوؤں کے سامنے ڈٹ گئیں اور انہوں نے مقابلہ کیا جس کے بعد مسلح افراد نے وہاں سے بھاگ جانے میں ہی عافیت جانی۔ واقعے کی ویڈیو سامنے آنے کے بعد سوشل میڈیا صارفین نے خاتون کی بہادری پر اُن کو داد دی۔

بھارتی میڈیا رپورٹس کے مطابق مسلح افراد خاتون سے پیسے چھینے کی کوشش کررہے تھے کیونکہ واردات کے وقت اُن کے پاس ایک لاکھ روپے سے زائد رقم موجود تھی۔

لکھنؤ کے علاقے اندیرا نگر تھانے میں واقعے کا مقدمہ درج کرلیا گیا، پولیس حکام نے مطابق انہوں نے سی سی ٹی وی فوٹیج حاصل کرلی اور امید ہے کہ جلد ملزمان کو گرفتار کرلیں گے۔

Comments

comments

یہ بھی پڑھیں