برازیل کی مشہور سوشل میڈیا انفلوئنسر پلاسٹک سرجری کے دوران ہلاک ہو گئیں۔
غیر ملکی میڈیا کے مطابق برازیل سے تعلق رکھنے والی 29 سالہ مشہور سوشل میڈیا انفلوئنسر اور اداکارہ سالہ لوانا اینڈریڈ ساؤ پالو گھٹنے سے چربی نکلوانے کے دوران دل کا دورہ پڑنے سے اپنی جان گنوا بیٹھیں۔
رپورٹ کے مطابق لوانا اینڈریڈ ساؤ پالو کے اسپتال میں گھٹنے سے چربی نکلوانے کی پلاسٹک سرجری کیلئے آئی تھیں، ان کی سرجری ڈھائی گھنٹے پر مشتمل تھی کہ اسی دوران لوانا کا دل بند ہوگیا۔
ڈاکٹرز نے پلاسٹک سرجری چھوڑ کر ان کے دل کا فوری علاج کرنے کی کوشش کی اور انہیں آئی سی یو میں منتقل کیا گیا جہاں وہ جانبر نہ ہوسکیں۔
میڈیا رپورٹس کے مطابق سوشل میڈیا انفلوئنسر کو بیک وقت دل کے 4 دورے پڑے تھے جس کی وجہ دل سے پھیپھڑوں تک خون پہنچانے والی شریانوں میں خون کے لوتھڑے جم گئے جو ان کی موت کی وجہ بنے۔