انگلینڈ ٹیسٹ ٹیم کے کوچ برینڈن میک کلم کے سٹہ بازی کی بھارتی ویب سائٹ سے تعلقات پر تحقیقات ہوں گی۔
انگلینڈ بورڈ نے کہا ہے کہ میک کلم سے بات چیت جاری ہے اور انہیں قواعد کی پابندی کرنا ہوگی۔ میک کلم بھارتی ویب سائٹ bet 22 کے اشتہار میں شائیقن کو آئی پی ایل پر سٹہ کھیلنے کی ترغیب دے رہے ہیں۔
میک کلم کو پچھلے سال انگلینڈ کی ٹیسٹ ٹیم کا کوچ مقررکیا تھا جب سے انگلینڈ نے بارہ میں سے دس ٹیسٹ جیتے ہیں۔
انگلینڈ کرکٹ بورڈ کے انسداد بدعنوانی کوڈز کھلاڑیوں، کوچز اور آفیشلز کو میچوں میں سٹہ بازی میں حصہ لینے یا اس کی حوصلہ افزائی کرنے سے منع کرتے ہیں۔
ای سی بی کے ترجمان نے ایک بیان میں کہا ہم فی الحال اس معاملے کی تحقیقات کر رہے ہیں اور قبرص میں قائم بیٹنگ کمپنی 22 بیٹ کے ساتھ اس کے تعلقات کے بارے میں برینڈن کے ساتھ بات چیت کر رہے ہیں۔
ان کا کہنا ہے کہ ہمارے پاس جوئے کے بارے میں قوانین موجود ہیں اور ہمیشہ ان کی پیروی کو یقینی بنانے کی کوشش کریں گے۔
