لندن: برطانیہ میں بلدیاتی انتخابات میں شکست اور بریگزٹ ڈیل میں ناکامی پر تھرسامے نے استعفیٰ دینے سے انکار کردیا۔
تفصیلات کے مطابق برطانیہ میں گذشتہ ہفتے بلدیاتی انتخابات ہوئے جس میں تھریسا انتظامیہ کو شکست ہوئی جبکہ وہ بریگزٹ ڈیل کو حتمی شکل دینے میں بھی ناکام ہیں۔
غیر ملکی خبر رساں ادارے کے مطابق برطانوی رکن پارلیمنٹ انڈریو جینکنس نے تھریسامے سے مطالبہ کیا تھا کہ وہ اس ناکامی اس مستعفی ہوجائیں تاہم برطانوی وزیراعظم سے مطالبہ مسترد کردیا۔
خاتون رکن پارلیمنٹ کا کہنا تھا کہ تھریسامے کی محنت پر کوئی شک نہیں، تاہم وہ بری طرح ناکام ہوچکی ہیں، انہوں نے وعدے کی خلاف ورزی کی جس پر ہم سب کا اعتماد اٹھ چکا ہے۔
اس بیان کے ردعمل میں برطانوی وزیراعظم کے ترجمان سر گراہم کا کہنا تھا کہ تھریسامے نے عوامی اعتماد نہیں کھویا، بریگزٹ مے کا کوئی ذاتی مسئلہ نہیں ہے ملک کا معاملہ ہے۔
ان کا کہنا تھا کہ مجھے لگتا ہے کہ 23 مئی کو یورپی پارلیمانی انتخابات سے پہلے ایک بار پھر بریگزٹ ڈیل کی شرائط پر ووٹنگ ہوئی چاہیئے۔
قبل ازیں برطانیہ میں کنزرویٹیو پارٹی کی جانب سے چار مئی کو ہونے والی کانفرنس بدمزگی کا شکار ہوگئی تھی، کانفرنس میں موجود شرکار نے بھی وزیراعظم تھریسامے سے استعفے کا مطالبہ کیا تھا۔
کنزرویٹیوپارٹی کی کانفرنس بدمزگی کا شکار، تھریسامے سے استعفے کا مطالبہ
واضح رہے کہ برطانیہ کو 2016 کے ریفرنڈم کے مطابق 29 مارچ کو یورپی یونین سے علیحدہ ہونا تھا تاہم ہاؤس آف کامنز کی جانب سے متعدد مرتبہ بریگزٹ معاہدے کی منسوخی کے باعث بریگزٹ میں 12 اپریل توسیع کی گئی تھی۔
