بھارت کی ریاست تلنگانہ میں بارش اور تیز ہواؤں کے باعث آٹھ سال سے زیرِ تعمیر پُل کچھ ہی لمحوں میں زمین بوس ہوگیا۔
میڈیا رپورٹس کے مطابق ضلع پیڈاپلی میں دریائے منیر کے مقام پر پچھلے آٹھ سالوں سے پُل تعمیر کیا جا رہا تھا جس کا ایک حصہ آج گر گیا۔
حادثہ پیر اور منگل کی درمیانی شب پیش آیا جس میں کسی جانی نقصان کی اطلاع نہیں ملی۔ علاقہ مکینوں نے حادثے کی اطلاع پولیس کو دی تھی۔
Under construction bridge collapsed in Peddapalli due to heavy winds.!!
Construction of this bridge started in 2016 under BRS govt, still not completed, but it collapsed due to winds last night.!!
Structures started by the BRS govt can’t even stand winds.!? pic.twitter.com/QSqOOuStPw
— Gems Of Telangana (@GemsOfKCR) April 23, 2024
ایک کلو میٹر طویل پُل پر کام 2016 میں شروع ہوا تھا اور اس کی تعمیری لاگت 47 کروڑ 40 لاکھ روپے ہے۔
بریج کی تعمیر ایک سال میں مکمل ہونا تھی لیکن اس میں آٹھ سال لگے اور اب محض بارش اور تیز ہواؤں کے باعث گر گیا۔
تعمیر کا مقصد اوڈیدو کو گرمیلا پلی گاؤں سے جوڑا ہے۔ اس کی تعمیر سے منتھنی سے پرکال اور بھوپال پلی سے جمی کنٹا کے درمیان تقریباً 50 کلومیٹر کا فاصلہ کم ہونے کی توقع ہے۔
