The news is by your side.

Advertisement

یمن: آسمان سے نیلے روشن پتھر گرنے لگے

صنعا: یمن میں آسمان سے پراسرار روشن پتھر گرنے لگے جس کی وجہ سے لوگوں میں خوف و ہراس پھیل گیا۔

تفصیلات کے مطابق یمن کے دارالحکومت صنعا کے مشرقی مضافات سمیت کئی صوبوں میں رات کے وقت نیلے رنگ کے روشن پتھر گرنے سے خوف و ہراس پھیل گیا۔

اس سلسلے میں سوشل میڈیا پر کچھ تصاویر بھی شیئر کی گئی ہیں جن میں آسمان سے روشن پتھر گرتے ہوئے دکھائی دیے، روش پتھر گرتے وقت آسمان بھی دور تک روشن ہو گیا تھا۔

مقامی باشندے یہ منظر دیکھ کر خوف زدہ ہو گئے، ان کا کہنا تھا کہ عجیب و غریب پتھر صنعا کے مضافات میں گرے اور ان کے گرنے سے زبردست دھماکے بھی ہوئے، جس کی آواز دور تک سنی گئی۔

سوشل میڈیا پر صارفین نے روشن پتھروں کی تصاویر شیئر کرتے ہوئے لکھا کہ یہ صنعا پر آسمان سے گرنے والے پتھروں کی تصاویر ہیں۔

ادھر یمن کے ماہر فلکیات کی جانب سے بھی آسمان سے گرتے روشن پتھروں کی تصدیق کی گئی ہے، انھوں نے اپنے بیان میں کہا کہ یمن کے شمال مغربی صوبوں کے بعض علاقوں میں چند لمحوں کے لیے آسمان چمک دار فاسفورس سے روشن ہو گیا تھا، جس کی وجہ فضائی غلاف سے نکلنے والے پتھر تھے۔

اس سے قبل یمن میں ایسا واقعہ کبھی پیش نہیں آیا، ماہر فلکیات کا کہنا تھا کہ اس قسم کا واقعہ یمن میں پہلی بار ریکارڈ پر آیا ہے۔

Comments

یہ بھی پڑھیں