نئی دہلی : کرونا وائرس کے شکار برطانوی شہری بھارت میں کوبرا سانپ کے ڈسنے کے باعث بصارت سے محروم اور چلنے پھرنے سے قاصر ہوگیا۔
غیر ملکی خبر رساں ادارے کی رپورٹ کے مطابق بھارت کے شمال مغربی علاقے میں فلاحی ادارے کیساتھ ملکر کام کرنے والے برطانوی شہری آئن جونز دوران ملازمت زہریلے سانپ کوبرا نے ڈس لیا جس کی وجہ سے انہیں اسپتال منتقل کرنا پڑا۔
برطانوی شہری اسپتال پہنچا تو معلوم پڑا کہ کرونا وائرس کا بھی شکار ہے، مذکورہ شخص پہلے بھی کرونا میں مبتلا ہوچکا تھا تاہم وہ صحت یاب ہوگئے تھے۔
غیر ملکی میڈیا کا کہنا ہے کہ آئن جونز کا جسم زہر پھیلنے کے باعث مفلوج ہوگیا اور کچھ روز بعد آنکھوں کی روشنی بھی چلی گئی۔
میڈیا رپورٹس میں بتایا گیا ہے کہ برطانوی سفری پابندیوں کے باعث مارچ سے اپنے گھر نہیں جاسکے ہیں اور اب وہ اسپتال کے انتہائی نگہداشت وارڈ میں زندگی اور موت کے درمیان کھڑے ہیں۔