لندن: برطانیہ کا یورپی یونین میں واپسی کا مطالبہ زور پکڑنے لگا ہے، ملک میں مظاہرے ہونے لگے ہیں۔
برطانوی میڈیا کے مطابق برطانیہ کا یورپی یونین میں واپسی کا مطالبہ زور پکڑنے لگا، برطانیہ کی یورپی یونین میں دوبارہ شمولیت کے لیے لندن کے شہریوں نے مظاہرہ کیا۔
ریلی میں ہزاروں افراد نے شرکت کی، شرکا نے یورپی یونین کے جھنڈے اور بینرز اٹھا رکھے تھے۔ نیشنل ری جوائن مارچ (NRM) ہائیڈ پارک کے قریب جمع ہوا تھا اور پارلیمنٹ اسکوائر پر اختتام پذیر ہوا، جہاں موٹر سائیکل سواروں نے ہارن بجائے۔
مظاہرین نے نعرے بھی لگائے اور کہا ’’یورپی یونین میں دوبارہ شامل ہونے کا راستہ یہاں سے شروع ہوتا ہے‘‘ اور ’’دوبارہ شامل ہوں اور خوشی منائیں۔‘‘
Pro-EU supporters march for Britain to rejoin the European Union
➡️ https://t.co/EIMDD9vsXm pic.twitter.com/BDNEOiw4Dx— FRANCE 24 (@FRANCE24) September 23, 2023
واضح رہے کہ این آر ایم تحریک برطانیہ کی یورپی یونین کی رکنیت کی واپسی کی حمایت کرتی ہے، جسے برطانیہ نے 2016 کے ریفرنڈم میں بریگزٹ کے حق میں ووٹ دینے کے بعد ختم کر دیا تھا۔ سابق کنزرویٹو وزیر اعظم بورس جانسن کی قیادت میں ایگزٹ ڈیل پر بحث ہوئی اور 2021 میں یہ نافذ العمل ہوا، جب کہ 2025 میں اس کا دوبارہ جائزہ لیا جائے گا۔