پائلٹ کی غلطی : برٹش ایئر ویز کا طیارہ کسی اور ایئر پورٹ پر اتر گیا، مسافر پریشان

ایڈنبرا : برٹش ائیرویز کی پرواز کو جانا کہیں اور تھا پہنچ گئی کہیں اور، پائلٹ نے ڈسل ڈرف جانے والی پرواز کی ایڈنبرا میں لینڈنگ کردی۔

تفصیلات کے مطابق برطانوی ایئر لائن برٹش ائیرویز کے ذریعے ڈسل ڈرف جانے والے مسافر اس وقت حیران رہ گئے جب پائلٹ کی جانب سے ان کو بتایا گیا کہ وہ ایڈنبرا پہنچ گئے ہیں۔

فلائٹ پلان میں غلطی سے لینڈنگ سٹی ایڈنبرا درج تھا جس کی وجہ سے پائلٹ کو بھی پتہ نہ چلا، سوا گھنٹے کی فلائٹ میں کسی مسافر کو غلط سمت کا شبہ تک نہ ہوا۔

پرواز اترنے کے بعد ایٖڈنبرا میں خوش آمدید کےاعلان پر مسافر حیران رہ گئے، پائلٹ کا اعلان بھی مذاق کے طور پر لیا گیا، برٹش ایئرویز نے پرواز کے تمام مسافروں سے معذرت کی ہے۔

Comments