برطانوی وزیراعظم بورس جانسن نے آئندہ ہفتے 12 اپریل سے لاک ڈاؤن میں مزید نرمیوں کا اعلان کردیا۔
برطانوی وزیراعظم کی ڈاؤننگ اسٹریٹ میں معاونین کےہمراہ پریس بریفنگ میں کہا کہ12 اپریل سےروڈمیپ کے مطابق لاک ڈاؤن میں نرمی کی جائےگی۔
انہوں نے بتایا کہ اگلے پیر سے غیرضروری اشیا کی دکانیں اور ہیئرسیلون کھل جائیں گے جب کہ جم، چڑیاگھر، پارک، لائبریریاں اور کمیونٹی سینٹربھی کھول دیے جائیں گے۔
بورس جانسن نے کہا کہ خاندان کے افراد کو سیلف کنٹین ہالیڈے پر جانےکی اجازت ہوگی،12 اپریل سے شادی کی تقاریب میں 15 افراد تک شرکت کرسکیں گے۔
وزیراعظم نے کہا کہ علامات نہ ہوں توبھی کورونا ٹیسٹ کرایا جائے، کوروناسرٹیفکیٹ کےرواں ماہ کے وسط سےشروع ہوں گے۔
برطانوی وزیراعظم کا کہنا تھا کہ مشترکہ کاوشوں سےلاک ڈاؤن نرمی کےدوسرے مرحلےمیں جانا ممکن ہوا ہے۔
