پشاور: بی آر ٹی بس میں آگ لگنے کا چوتھا واقعہ رونما ہو گیا ہے، جس کے بعد بس سروس عارضی طور پر معطل کر دی گئی۔
تفصیلات کے مطابق پشاور میں بس ریپڈ ٹرانزٹ کی ایک بس میں آگ لگنے کا چوتھا واقعہ رونما ہو گیا ہے، ریسکیو ذرایع کا کہنا ہے کہ حیات آباد کے قریب بی آر ٹی بس میں معمولی آگ بھڑک اٹھی، جسے ریسکیو کے فائر فائٹرز نے موقع پر پہنچ کر بجھا دیا، واقعے میں مسافر محفوظ رہے۔
تاہم ترجمان ٹرانس پشاور نے بیان جاری کرتے ہوئے کہا ہے کہ بی آر ٹی بس سروس عارضی طور پر معطل کر دی گئی ہے، بی آر ٹی کی تمام بسوں کا از سر نو جائزہ لیا جائے گا، کیوں کہ مسافروں کی حفاظت ادارے کی اوّلین ترجیح ہے۔
ترجمان ٹرانس پشاور نے بتایا کہ بس بنانے والی کمپنی کی ٹیم مفصل انداز میں تمام بسوں کا جائزہ لے گی، بی آر ٹی کی 2 بسوں میں لگنے والی آگ کی وجوہ پر تفتیش جاری ہے، تمام بسوں کی جامع تحقیقات اور انسپیکشن کی جائے گی۔
بی آر ٹی پر پولیس تعینات کرنے کا فیصلہ
ترجمان محمد عمیر خان کا کہنا تھا کہ یہ فیصلہ شہریوں اور مسافروں کے وسیع تر مفاد میں کیا گیا ہے۔
