کراچی: شہر قائد میں سیلاب متاثرہ بچی کو مبینہ زیادتی کا نشانہ بناڈالا۔
پولیس حکام کے مطابق دلخراش واقعہ کراچی کے پوش علاقے کلفٹن میں پیش آیا، جہاں درندہ صفت انسانوں نے بچی کو اپنی جنسی ہوس کا نشانہ بناڈالا۔
پولیس کے مطابق بچی کو گزشتہ روزصبح 11 بجےمقامی شاپنگ مال کے باہر سے اغوا کیا گیا اور دوپہر2 بجے زیادتی کا نشانہ بنا کر اسی مقام پر چھوڑ دیا گیا، رات 10 بجے بچی کی حالت غیر ہونے پراسے جناح اسپتال منتقل کیا گیا۔
پولیس سرج کے مطابق بچی نے اپنے ابتدائی بیان میں بتایا کہ دو نامعلوم افراد نے زیادتی کا نشانہ بنایا، مبینہ زیادتی کی شکار بچی کی عمر آٹھ سے نو سال کے درمیان بتائی گئی ہے، طبی معائنے میں بچی سے اجتماعی زیادتی کی تصدیق ہوگئی ہے۔
مزید پڑھیں: لاہور میں ایک روز میں خواتین سے زیادتی کے 3 مقدمات درج
پولیس سرجن آفس کے مطابق بچی کراچی میں لگائے گئے متاثرہ کیمپ میں رہائش پزیر تھی، سیلاب کے باعث بچی کے دونوں پاؤں فنگس سے متاثر ہیں۔
ادھر وزیراعلیٰ سندھ مرادعلی شاہ نے ایڈیشنل آئی جی کراچی سے ٹیلیفونک رابطہ کیا اور کلفٹن میں معصوم بچی سےزیادتی کےواقعےپرتفصیلی رپورٹ پیش کرلی۔
ترجمان وزیراعلیٰ سندھ کی جانب سے جاری بیان کے مطابق وزیراعلیٰ نے ہدایت کی کہ بچی سےزیادتی کرنے والے ملزمان کو فوری گرفتار کرکے رپورٹ دیں، مراد علی شاہ نے صوبائی وزیرکو بچی،چھوٹے بھائی کو فوری اپنی حفاظت میں لینےکی ہدایت بھی کی۔
دوسری جانب ایڈیشنل آئی جی نے میڈیا کو بتایا کہ ضلع جنوبی سے پولیس ٹیم تشکیل دے دی گئی ہے، متاثرہ بچی کا ڈی این اے بھی کرایا جارہا ہے جس سے ملزمان تک رسائی آسان ہوگی۔
