نئی دہلی : سوشل میڈیا پر ویڈیو پیغام میں اپنی فوج کا بھانڈا پھوڑنے والا بھارتی فوجی لاپتہ ہوگیا۔
تفصیلات کے مطابق بھارتی فوجی تیج بہادرکی اہلیہ نے سوشل میڈیا پیغام میں شوہر کے غائب ہونے کا دعویٰ کیا ہے، اہلیہ شرمیلا کا کہنا ہے کہ جب سے ویڈیو منظر عام پر آئی، تیج بہادر سے رابطہ نہیں ہوا، ہمیں یہ بھی نہیں پتہ کے تیج بہادر کہاں اور کس حالت میں ہے۔
اہلیہ نے کہا کہ ہمیں انصاف ملنا چاہیے ، روٹی کی مانگ غلط تو نہیں۔
اس سے قبل بی ایس ایف اپنے سپاہی کو ایک’’عادی مجرم‘‘ قرار دیا تھا ، تیج بہادر کا 2010 میں کورٹ مارشل کردیا گیا تھا۔
خیال رہے کہ اس سے قبل بھارتی فوجی تیج بہادر نے بھی ویڈیو میں اپنے غائب ہونے کا انکشاف کیا تھا۔
بھارتی بارڈرسیکیورٹی فورس کے اہلکار تیج بہادر یادیو نے فوج کا بھانڈا پھوڑا تھا، جس میں بھارتی فوجی اہلکاروں کے ساتھ ہونے والے ناروا سلوک کا پردہ فاش کرا تھا، تیج بہادر کا کہنا تھا کہ کئی بار جوانوں کو بھوکے پیٹ ہی سونا پڑتا ہے جبکہ ناشتے میں ایک جلا ہوا پراٹھا اور ایک کپ چائے ملتی ہے ، بھارتی فوجی ناشتے میں نہ مکھن، جام اور نہ کچھ ہوتا ہے۔
مزید پڑھیں : بھارتی فوجی نے ویڈیو جاری کرکے اپنی فوج کو بے نقاب کردیا
اس نے کہا کہ مجھے نہیں معلوم کہ اس ویڈیو کے بعد میرے ساتھ کیا سلوک کیا جائے گا لیکن میں اپنے ہم وطنوں کو اپنی اور اپنے ساتھیوں کی بری حالت کے بارے میں بتانا چاہتا ہوں۔
