جمعہ, دسمبر 27, 2024
اشتہار

وفاقی بجٹ کا کل حجم9500ارب روپے ہونے کا امکان ہے

اشتہار

حیرت انگیز

اسلام آباد : آئندہ مالی سال کے بجٹ کی دستاویز کے مطابق وفاق کے اخراجات کا تخمینہ 9500 ارب روپے تک ہوسکتا ہے جبکہ وفاق سے صوبوں کو4215 ارب روپے منتقل ہوں گے۔

اس حوالے سے ذرائع کا کہنا ہے کہ آئندہ مالی سال کے بجٹ میں وفاق کے اخراجات کا تخمینہ8894روپے ہوگا، وفاقی بجٹ2022-23کا کل حجم9500ارب روپے ہونے کا امکان ہے۔

بجٹ کی دستاویز کے مطابق فیڈرل بورڈ آف ریونیو7255ارب کا ٹیکس جمع کرے گا، نان ٹیکس کی مد میں 1626ارب روپے حاصل ہونے کا تخمینہ لگایا گیا ہے۔

- Advertisement -

ذرائع کے مطابق وفاق سے صوبوں کو4215ارب روپے منتقل ہوں گے، دفاعی بجٹ کے لیے1586ارب روپے مختص کرنے کا تخمینہ ہے۔

آئندہ مالی سال1232ارب روپےکی گرانٹس دی جائیں گے جبکہ قرض اورسود کی ادائیگیوں پر3523ارب روپے کا تخمینہ لگایا گیا ہے، حکومتی امور چلانے کے لیے550ارب روپے کا تخمینہ ہے۔

اس کے علاوہ پنشن کی مد میں530ارب روپے مختص کرنے کا تخمینہ ہے، سبسڈیز کی مد میں578ارب روپے مختص کرنے کا تخمینہ لگایا گیا ہے۔

ذرائع کے مطابق آئندہ مالی سال ترقیاتی بجٹ کا حجم800ارب روپے ہوگا، بجٹ کا خسارہ4282ارب روپے تک محدود رکھنے کا تخمینہ ہے۔

بجٹ کا خسارہ معیشت کا5.5فیصد تک محدود رکھنے کا تخمینہ جبکہ آئندہ مالی سال معیشت کا حجم78197ارب روپے ہوگا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں