سالانہ بجٹ برائے سال 2023۔24 کی تیاریوں کے سلسلے میں سالانہ پلان کو آرڈینیشن کمیٹی کا اجلاس 23 مئی کو طلب کر لیا ہے۔
اے آر وائی نیوز کے مطابق وفاقی سالانہ بجٹ برائے سال 2023۔24 کی تیاریوں کے سلسلے میں سالانہ پلان کو آرڈینیشن کمیٹی کا اجلاس 23 مئی کو طلب کر لیا ہے جس کی صدارت وزیر منصوبہ بندی احسن اقبال کریں گے۔
ذرائع نے بتایا ہے کہ اجلاس میں نئے مالی سال کے لیے وفاقی ترقیاتی بجٹ کو حتمی شکل دی جائے گی۔ اس بجٹ میں پی ایس ڈی مد میں 900 ارب روپے سے زیادہ مختص کرنے کا امکان ہے۔
- Advertisement -
ذرائع کے مطابق کوآرڈینیشن کمیٹی اگلے مالی سال کیلیے سالانہ پلان کی بھی منظوری دے گی جب کہ تین سالہ بجٹ اسٹریٹجی پیپر2023-26 کی اگلے ہفتے وفاقی کابینہ سے منظوری لی جائیگی۔
