سوشل میڈیا پر ایک ویڈیو وائرل ہوئی ہے جس میں ایک بھینس کو دو شیروں کے چنگل سے خود کو آزاد کرانے کی سرتوڑ کوشش کرتے دیکھا جا سکتا ہے۔
شیر جنگل کا بادشاہ ضرور ہوگا لیکن اگر بھینس بھی ہمت دکھائے تو خود کو ایک نہیں دو شیروں کے نرغے سے بھی بچا سکتی ہے، یہ ویڈیو اس کی گواہ ہے۔
اس لڑائی کی ویڈیو سیاحوں نے اپنے موبائل فونز سے بنائی ہے، جو ایک سفاری گاڑی میں سوار تھے اور اس جنگ کو بہت قریب سے دیکھ رہے تھے۔ یہ ویڈیو پلیٹ فارم X (سابقہ ٹویٹر) پر عالم الحیوان نامی صارف نے شیئر کی، جس میں بھینس زندگی اورموت کی کشمکش میں گرفتار نظر آتی ہے۔
ویڈیو میں دیکھا جا سکتا ہے کہ ایک شیر نے بھینس کی دم اپنے دانتوں میں پکڑ رکھی ہے اور دوسرے شیر نے بھینس کو گردن سے قابو کر رکھا ہے، جب کہ بھینس مسلسل خود کو چھڑانے کی جدوجہد کر رہی ہے۔
— عالم الحيوان (@Animal_WorId) June 8, 2023
اپنے سینگوں اور اور مضبوط لاتوں کے ذریعے آخرکار بھینس سے خود کو دونوں شیروں کے چنگل سے آزاد کرا لیا، بھاگتے ہوئے بھینس کو سفاری گاڑی کو بھی ٹکر مارتے دیکھا جا سکتا ہے۔