آپ نے فلم شعلے تو ضرور دیکھی ہوگی۔ اس میں وہ منظر بھی قابل دید ہے جس میں ویرو کا کردار ادا کرنے والے دھرمیندر پانی کی ٹنکی پر چڑھ کر خودکشی کا ارادہ کرتے ہیں۔ لیکن کیا آپ نے اسی منظر کو ایک بیل کو دہراتے ہوئے دیکھا ہے؟
ایک بھارتی ٹوئٹر صارف نے اپنے اکاؤنٹ پر ایک تصویر پوسٹ کی جس میں ایک بیل پانی کی اونچی ٹنکی پر دکھائی دے رہا ہے۔
Holy Cow !! how on earth did you..?
(Image via Whatsapp) pic.twitter.com/0nM4OaHDfM
— Tinu Cherian Abraham (@tinucherian) July 13, 2016
دیکھنے والے حیرت میں مبتلا ہیں کہ آخر ان گول پیچیدہ زینوں سے وہ بیل اوپر گیا کیسے؟
کچھ افراد نے دعویٰ کیا کہ یہ تصویر فوٹوشاپ کا کمال ہے۔ لیکن ایک اور صارف نے اسی سے ملتی جلتی تصویر ٹوئٹ کی جس میں اس گائے کو نیچے اتارا جارہا ہے۔
گو کہ معلوم نہیں ہوسکا کہ یہ انوکھا واقعہ کس جگہ پیش آیا البتہ ٹوئٹ کرنے والے کا دعویٰ ہے کہ یہ واقعہ راجھستان کے علاقہ چھورو میں پیش آیا۔
@tinucherian pic.twitter.com/WtYDbFw9Xx
— Pawan Setia Insan (@pawansetia007) July 13, 2016
اس نے یہ بھی دعویٰ کیا کہ ایک ریسکیو ٹیم نے 8 گھنٹے کی انتھک کوشش کے بعد بالآخر بیل کو نیچے اتارا۔