تازہ ترین

ملالہ سمیت سیکڑوں مسلم خواتین کو نیلامی کیلئے پیش کرنے والا بھارتی گرفتار

ممبئی : بھارتی پولیس نے ملالہ سمیت سیکڑوں نامور مسلمان خواتین کی آن لائن نیلامی کرنے والے 21 سالہ بھارتی انتہا پسند کو گرفتار کرکے عدالت میں پیش کردیا۔

غیر ملکی میڈیا کے مطابق مسلمان خواتین کی تصاویر اور معلومات ‘بلی بائی’ نامی ویب سائٹ پر شیئر کرکے مسلم خواتین کی آن لائن نیلامی کرنے والا بھارتی انتہاپسند ممبئی پولیس کی گرفت میں آگیا،
ممبئی پولیس کے سائبر کرائم سیل نے متعدد شکایات موصول ہونے پر یہ کارروائی کی۔

رپورٹ میں کہا گیا ہے کہ ممبئی پولیس بنگلور کے رہائشی 21 سالہ وشال کمار کو گرفتار کرکے عدالت میں پیش کیا ہے جو بلی بائی نامی ویب سائٹ چلا رہا تھا، گرفتار ملزم انجیئرنگ کا طالب علم ہے جسے مجسٹریٹ کورٹ نے 10 جنوری تک ریمانڈ پر پولیس کے حوالے کردیا ہے۔

مجسٹریٹ عدالت نے ممبئی پولیس کا وشال کمار کے بنگلور والے گھر کی تلاشی لیکر اس کی اشیاء کو ضبط کرنے مطالبہ بھی منظور کرلیا ہے تاکہ تحقیقات میں مزید پیشرفت ہوسکے۔

بھارتی میڈیا کی رپورٹ کے مطابق آئن نیلامی کیس کی متاثرہ خاتون صحافی عصمت آرا کی درخواست پر ممبئی پولیس نے مسلمان خواتین کی آن لائن نیلامی کرنے والوں کے خلاف توہین مذہب سمیت 7 مقدمات درج کیے ہیں۔

خیال رہے کہ ممبئی پولیس سائبر کرائم ونگ نے انجیئرنگ کے طالب علم وشال کمار کو ٹوئٹر اکاؤنٹ کے آئی پی ایڈریس کی مدد سے گرفتار کیا ہے جس کے ذریعے وہ مسلمان خواتین کی تصاویر شیئر کرتا تھا۔

پولیس نے مسلمان خواتین کی آن لائن نیلامی کے کیس میں اتراکھنڈ سے ایک خاتون کو بھی پکڑا ہے، جو وشال کمار کو بھی جانتی ہے۔

بھارت میں ملالہ سمیت 100 مسلمان خواتین نیلامی کیلئے پیش

خیال رہے کہ گٹ ہب پر بنی ویب سائٹ ‘سلی ڈیلز’ پر گزشتہ برس بھی سیکڑوں مسلمان خواتین کی تصاویر شیئر کرکے انہیں آن لائن نیلامی کےلیے پیش کیا گیا تھا۔

ایک سال کے اندر ہی نامعلوم افراد نے گٹ ہب پر ہی ایک اور ویب سائٹ ‘بلی بائی’ کے نام سے بنائی جس میں کم عمر ترین نوبل انعام یافتہ پاکستانی لڑکی ملالہ یوسفزئی سمیت 100 بااثر مسلمان خواتین کی تصاویر اور معلومات شیئر کرکے انہیں آن لائن نیلامی کےلیے پیش کیا گیا تھا۔

Comments

- Advertisement -