راولپنڈی : موٹر وے ایم 14 پر کوئٹہ سے اسلام آباد جانے والی بس حادثے کا شکار ہوگئی ، جس کے نتیجے میں 2 افراد جاں بحق اور 2 زخمی ہوگئے۔
تفصیلات کے مطابق راولپنڈی موٹروے ایم فورٹین پر عیسیٰ خیل کے قریب بس کو حادثہ پیش آیا، حادثے میں 2 افراد جاں بحق ، 2 شدید اور 5 معمولی زخمی ہوگئے۔
ترجمان موٹروے پولیس نے بتایا کہ حادثہ بس ڈرائیور کو نیند انے کی وجہ سے پیش ایا ہے ڈرائیور کی غفلت لاپرواہی کے باعث بس الٹ گئی۔
- Advertisement -
مزید پڑھیں : مسافر بس اور وین میں خوفناک تصادم، 4 افراد جاں بحق متعدد زخمی
حادثے کی اطلاع پاتے ہی موٹروے پولیس کی بھاری نفری موقع پر پہنچ گئی تمام لاشوں اور زخمیوں کو ٹی ایچ کیو عیسی خیل اور ڈی ایچ کیو میانوالی منتقل کر دیا گیا، بس کوئٹہ سے اسلام اباد کی جانب جا رہی تھی۔
دو روز قبل بہاولنگر میں مسافر بس اور وین کے خوفناک تصادم کے نتیجے میں 4 افراد جاں بحق اور 20 افراد زخمی ہوگئے تھے۔
