The news is by your side.

Advertisement

شکاپور:ٹرک اور مسافر کوچ میں تصادم،4افراد جاں بحق

شکار پور: صوبہ سندھ کے شہرشکارپورمیں خان پور بائی پاس کے قریب رات گئےٹرک اور مسافر کوچ کے تصادم میں چار افراد جاں بحق ہوگئے۔

تفصیلات کےمطابق ریسکیو ذرائع کا کہناہےکہ شکار پور میں خان پور بائی پاس کے قریب جیکب آباد سے کراچی آنے والی کوچ کو تیز رفتار ٹرک نے ٹکر ماردی۔

جیکب آباد سے کراچی جانے والے مسافر بس سے تیز رفتارٹرک کے تصادم کے بعدکوچ میں آگ بھڑک اٹھی،حادثے میں تین افرادموقع پر ہی جاں بحق ہوگئے۔

خان پور بائی پاس میں ہونے والے حادثے میں متعدد زخمی بھی ہوئے جنہیں شکار پور اسپتال منتقل کردیا گیاجس کے بعد ایک مسافر زخموں کی تاب نہ لاتے ہوئے چل بسا۔

مزید پڑھیں:ٹھٹھہ میں بس اور ٹرالر میں تصادم،9افراد جاں بحق

واضح رہے کہ رواں سال اگست میں سندھ کے شہر ٹھٹھہ کے علاقے جھرک کے قریب کراچی سے شہداد کوٹ جانے والی بس بے قابو ہوکر ٹریلر سے ٹکراگئی تھی جس کے نتیجے میں 9افراد موقع پر ہی جاں بحق ہوگئے تھے۔

Print Friendly, PDF & Email

Comments

comments

یہ بھی پڑھیں