کراچی میں سپر ہائی وے پر لوٹ مار کر کے فرار ہونے والے ڈاکوؤں پر ڈرائیور نے بس چڑھا دی ایک ڈاکو ہلاک ہو گیا۔
اے آر وائی نیوز کے مطابق سپر ہائی وے احسن آباد گلشن معمار ایم 3 پمپ کے قریب ڈاکو کی ہلاکت کے واقعہ کی تفصیلات سامنے آ گئی ہ یں۔
پولیس کا کہنا ہے کہ دو ڈاکو بس کے ڈرائیور سے لوٹ مار کے بعد فرار ہو رہے تھے کہ ڈرائیور نے ان پر بس چڑھا دی۔
واقعے میں ایک ڈاکو ہلاک ہوگیا جب کہ اس کا ساتھی فرار ہوگیا۔ پولیس نے مرنے والے ڈاکو سے چھینا گیا موبائل اور پستول برآمد کر لیا۔
پولیس کا کہنا ہے کہ ہلاک ڈاکو کی شناخت نہیں کی جا سکی ہے۔ اس کی شناخت کے لیے کرمنل ریکارڈ بھی چیک کیا جا رہا ہے۔
